ककनीमा २२० केभी प्रसारण लाइनमा चढेका व्यक्ति ओर्लिन नमान्दा ६० मेगावाटको आयोजना नै बन्द

नुवाकोटको ककनी गाउँपालिकामा एक व्यक्ति विद्युतको पोल हुँदै विद्युत प्रसारण लाइनमा चढेपछि ६० मेगावाटको त्रिशुली थ्री–ए आयोजना नै बन्द भएको छ ।                                                                                                            शनिवार बिहान करीब १० बजेतिर नुवाकोटकै बोलकोटगढी नगरपालिका वडा नम्बर–१३ का स्थानीय माइला विक ककनीको चतुराले भन्ने ठाउँबाट विद्युतको पोलमा चढेका थिए ।                                                                            बिहानैदेखि एक व्यक्ति विद्युतको पोल हुँदै तारमा चढेपछि विद्युत आयोजना नै बन्द गर्न लगाइएको छ । प्रहरीले उनलाई ओराल्ने प्रयास गरिरहेको भए पनि अहिलेसम्म ओराल्न सकिएको छैन।