बञ्चरेडाँडामा स्थानीय र प्रहरीबीच झडप, बल प्रयोग गरेर गाडी पास

काठमाडौंः काठमाडौंको फोहोर बोकेर बन्चरेडाँडातर्फ गएका सवारी साधनलाई स्थानीयले अवरोध गरेका छन् । सवारी साधन रोकिएपछि प्रहरी परिचालन गरिएको छ । प्रहरीले बल प्रयोग गर्दै बाटो खुलाइरहेको छ ।



सरकार र फोहोर फाल्ने क्षेत्रका प्रतिनिधिबीच भएको सहमति नमान्ने भन्दै केही स्थानीयले बन्चरेडाँडामा फोहोर फाल्न रोक लगाएका हुन् ।



शहरी विकास मन्त्रालय, काठमाडौं महानगरपालिका, नुवाकोटको ककनी गाउँपालिका र धादिङको धुनिबेसी नगरपालिकाका प्रतिनिधिहरुबीच मंगलबारबाट काठमाडौंको फोहोर बिसर्जन गर्ने सहमति भएको थियो ।



फोहोर विसर्जनस्थलमा फोहोर लैजाने क्रममा धुनिबेसीमा स्थानीय र प्रहरीबीच झडप भएको छ । जनप्रतिनिधिको निर्णय चित्त नबुझको भन्दै स्थानीयले अवरोध गरेपछि दुई पक्षबीच झडप भएको हो । प्रहरीले अवरोधलाई मत्थर गर्दै ७२ वटा गाडी पास गरेको छ भने केही स्थानीयलाई नियन्त्रणमा लिएको छ ।